काठमाडौं । अर्थमन्त्री रामेश्वर खनालले आजदेखि अर्थ मन्त्रालयमा सबै टिप्पणी (मेमो) डिजिटल प्रणालीमार्फत स्वीकृति दिने प्रक्रिया सुरु भएको बताएका छन् ।
शुक्रबार बिहान सामाजिक सञ्जालमार्फत जानकारी दिँदै उनले अब मन्त्रालयमा कागजी प्रक्रियासँगै डिजिटल स्वीकृति प्रणाली लागू हुने उल्लेख गरेका छन् ।
‘आजदेखि अर्थ मन्त्रालयका सबै टिप्पणी डिजिटल स्वीकृति प्रक्रियाबाट अघि बढ्छन्,’ मन्त्री खनालले लेखेका छन् ।
नयाँ प्रणाली लागू भएपछि मन्त्रालयभित्र प्रशासनिक कामकाज अझ पारदर्शी र छरितो हुने विश्वास गरिएको छ । साथै, कागजी प्रक्रियामा लाग्ने समय घटेर दक्षता बढ्ने अपेक्षा पनि गरिएको छ ।
प्रकाशित मिति: १० आश्विन २०८२, शुक्रबार
प्रतिक्रिया