काठमाडौं । नेकपा (एमाले) का अध्यक्ष केपी शर्मा ओलीले प्रधानमन्त्री सुशीला कार्की नेतृत्वको वर्तमान अन्तरिम सरकारलाई ‘आगलागी र तोडफोडबाट बनेको सरकार’ भन्दै आलोचना गरेका छन्। जेन–जी आन्दोलनपछि सार्वजनिक कार्यक्रममा पहिलो पटक बोल्दै उनले यस्तो टिप्पणी गरेका हुन्।
ओलीले भने, ‘अहिलको सरकार, जसलाई जनताको अभिमत वा संवैधानिक प्रक्रिया मार्फत चयन गरिएको छैन, जेन–जी आन्दोलनको परिणामस्वरूप निर्माण भएको हो। यो सरकार तोडफोड र आगजनीको माध्यमबाट स्थापना गरिएको छ।’
उनले वर्तमान राजनीतिक परिस्थितिमा संवैधानिक र लोकतान्त्रिक मूल्यको अवहेलना भएको भन्दै सरकारको वैधता र स्थायित्वप्रति प्रश्न उठाएका छन्।
प्रकाशित मिति: ११ आश्विन २०८२, शनिबार
प्रतिक्रिया