काठमाडौं । गृहमन्त्री ओमप्रकाश अर्यालले जेनजी आन्दोलनको नाममा सरकारी कार्यालयहरूमा गएर धम्की र दबाब दिने कार्य स्वीकार्य नहुने चेतावनी दिएका छन्।
बुधबार गृह मन्त्रालयमा पत्रकारहरूसँग कुरा गर्दै मन्त्री अर्यालले यस्ता गतिविधि गलत भएको स्पष्ट गर्दै कानूनी कारबाहीको चेतावनी दिएका हुन्।
‘जेनजीको नाममा कसैले अवैध व्यवहार गर्छ भने त्यो सुशासनविरोधी काम हो,’ उनले भने, ‘त्यस्ता क्रियाकलापहरूलाई सरकारले नजिकबाट निगरानी गर्दैछ र प्रहरीले नियन्त्रणमा लिनेछ।’
उनका अनुसार जेनजी आन्दोलनको मूल उद्देश्य सुधार र सुशासनको खोज हो, तर त्यसको नाममा डर देखाउने वा अराजकता फैलाउने प्रयास सह्य नहुने उनले प्रष्ट पारे।
प्रकाशित मिति: २९ आश्विन २०८२, बुधबार
प्रतिक्रिया