काठमाडौं। काठमाडौंको मिनभवनस्थित सिभिल अस्पताल अगाडि फोहोर बोक्ने टिपरले स्कुटरलाई ठक्कर दिँदा एक जनाको मृत्यु भएको छ ।
जिल्ला प्रहरी परिसर काठमाडौंका एसपी पवनकुमार भट्टराईका अनुसार मंगलबार बिहान पौने ९ बजे काठमाडौं–३१ मिनभवनमा बा. २ क ३२२९ नम्बरको फोहोर बोक्ने टिपर तीनकुनेतर्फ जाँदै गर्दा प्र. ३–००१ ब. ९४५ नम्बरको सरकारी नम्बर प्लेटको स्कुटरलाई ठक्कर दिएको थियो ।
स्कुटरमा सवार सुनसरी इनर्वा नगरपालिका–५ घर भई भक्तपुर लोकन्थली बस्ने ४८ वर्षीय बद्री कोइराला गम्भीर घाइते भएका थिए । उनलाई तत्काल सिभिल अस्पताल पुर्याइए पनि उपचारका क्रममा पौने ९ बजे मृत्यु भएको एसपी भट्टराईले जानकारी दिएका छन् ।
टिपर र चालक गोरखाका घर भई पेप्सीकोला बस्ने २६ वर्षीय विकास थापा मगर प्रहरीको नियन्त्रणमा रहेका छन् । प्रहरीले घटनाको थप अनुसन्धान गरिरहेको छ ।
यो घटनाले काठमाडौंमा सवारी दुर्घटनाको जोखिमलाई फेरि उजागर गरेको छ । प्रहरीले सडक सुरक्षामा थप सतर्कता अपनाउन आग्रह गरेको छ ।
प्रकाशित मिति: १९ फाल्गुन २०८२, मंगलबार
प्रतिक्रिया