काठमाडौं। राष्ट्रिय स्वतन्त्र पार्टी (रास्वपा) ले आफ्ना सांसदहरूले सार्वजनिक कागजातमा ‘माननीय’ शब्द प्रयोग नगर्ने अनौपचारिक निर्णय गरेको छ।
पार्टी सभापति रवि लामिछाने ले सांसदहरूलाई लेटरहेड, भिजिटिङ कार्डलगायत कागजातमा एकरूपता कायम गर्न निर्देशन दिएका छन्। उक्त निर्देशन बुधबार सिंहदरबारस्थित संसदीय दलको कार्यालयमा बसेको अनौपचारिक बैठकमा दिइएको प्रवक्ता मनिष झा ले जानकारी दिएका छन्।
रास्वपाले सांसदहरू अझै सिक्ने चरणमै रहेको उल्लेख गर्दै मेन्टर तथा सल्लाहकारमार्फत मार्गदर्शन लिन सुझाव दिएको छ। साथै, आगामी निर्वाचनका लागि योग्य उम्मेदवार छनोट र पूर्वतयारीस्वरूप वैशाख क्यान्डिडेट क्लब’ अभ्यास सञ्चालन हुने जनाइएको छ।
यसैबीच, कसैले पनि आफूखुसी आगामी निर्वाचनका उम्मेदवार तोक्न नपाउने स्पष्ट पार्दै पार्टीले निर्देशनविपरीत गतिविधि भएमा कारबाही गर्ने चेतावनी दिएको छ।
प्रकाशित मिति: २३ बैशाख २०८३, बुधबार
प्रतिक्रिया