काठमाडौं । प्रतिनिधिसभा को बुधबारका लागि तय भएको बैठक सुरु नै नभई सरेको छ।
बिहान ११ बजेका लागि तय भएको बैठक निर्धारित समयभन्दा २ घन्टा ढिलोसम्म पनि सुरु हुन नसकेपछि बुधबार नै दिउँसो २ बजे बस्ने गरी सरेको हो।
संघीय संसद् सचिवालयका महासचिव पद्मप्रसाद पाण्डेयले बैठक बस्ने समय परिवर्तन भएको सम्बन्धी सूचना निकालेका छन्।
‘बुधबार बिहान ११ बजे बस्ने गरी निर्धारण भएको प्रतिनिधि सभाको बैठक विशेष कारण निर्धारित समयमा बस्न नसक्ने भएकोले प्रतिनिधि सभा नियमावली, २०८३ को नियम ६ को उपनियम २ को प्रतिबन्धात्मक वाक्यांश बमोजिम सम्माननीय सभामुखले सभाको बैठक आजै दिनको २ बजे बस्ने गरी निर्धारण गर्नुभएको बेहोरा माननीय सदस्यहरूको जानकारीको लागि यो सूचना प्रकाशित गरिएको छ’ सूचनामा उल्लेख छ।
प्रतिनिधिसभा बैठकमा जेठ १७ गते प्रधानमन्त्री बालेन्द्र शाहले सीमा विवादसम्बन्धी विवादास्पद वक्तव्य दिएपछि विपक्षीहरूले लगातार संसद् बैठक अवरुद्ध गरिरहेका छन्।
प्रकाशित मिति: २७ जेष्ठ २०८३, बुधबार
प्रतिक्रिया