जुम्ला । कर्णाली प्रदेशको जुम्ला जिल्ला केन्द्रबिन्दु भएर ४.१ म्याग्निच्युडको भूकम्प गएको छ।
राष्ट्रिय भूकम्प मापन तथा अनुसन्धान केन्द्रका अनुसार आज बिहान ५ बजेर ३६ मिनेटमा जुम्लाको तामती आसपास केन्द्रबिन्दु भएर भूकम्पको धक्का महसुस गरिएको हो। भूकम्पको धक्का आसपासका क्षेत्रहरूमा पनि अनुभव गरिएको बताइएको छ।
यसअघि गत असार ७ गते पनि कर्णाली प्रदेशकै हुम्ला जिल्लामा समान म्याग्निच्युडको भूकम्प गएको थियो। उक्त दिन दिउँसो २ बजेर ३२ मिनेटमा हुम्लाको श्रीनगर आसपास केन्द्रबिन्दु भएर ४.१ म्याग्निच्युडको भूकम्प रेकर्ड गरिएको भूकम्प मापन केन्द्रले जनाएको थियो।
चार दिनको अन्तरालमा कर्णालीका दुई जिल्लामा समान क्षमताका भूकम्पका धक्का रेकर्ड भएपछि स्थानीयवासीमा सतर्कता बढेको छ।
प्रकाशित मिति: ११ असार २०८३, बिहिबार
प्रतिक्रिया