काठमाडौं । फिफा विश्वकप २०२६ अन्तर्गत अन्तिम ३२ को खेलमा पोर्चुगलले क्रोएसियालाई २–१ गोलअन्तरले पराजित गर्दै अन्तिम १६ मा स्थान सुरक्षित गरेको छ। यससँगै पोर्चुगलको प्रिक्वार्टरफाइनलमा स्पेनसँग भेट पक्का भएको छ।
टोरन्टोमा भएको खेलको पहिलो हाफ गोलरहित बराबरीमा सकिएको थियो। दोस्रो हाफको ५३औँ मिनेटमा इभान पेरिसिचले गोल गर्दै क्रोएसियालाई अग्रता दिलाएका थिए। तर ६८औँ मिनेटमा कप्तान क्रिस्टियानो रोनाल्डोले पेनाल्टीमार्फत बराबरी गोल फर्काए। त्यसपछि इन्जुरी समयको चौथो मिनेटमा राफाएल लेआओको पासमा गोन्कालो रामोसले निर्णायक गोल गर्दै पोर्चुगललाई २–१ को नाटकीय जित दिलाए।
यस जितसँगै पोर्चुगलले अन्तिम १६ मा स्थान बनाएको छ भने अब उपाधि दाबेदार स्पेनसँग हुने बहुप्रतीक्षित भिडन्त विश्वकपका सबैभन्दा आकर्षक खेलमध्ये एक हुने अपेक्षा गरिएको छ।
प्रकाशित मिति: १९ असार २०८३, शुक्रबार
प्रतिक्रिया