काठमाडौं । दक्षिण कोरियाका राष्ट्रपति ली जे–म्योङले होर्मुज जलडमरूमा आफ्नो देशले सेना तैनाथ नगर्ने स्पष्ट पारेका छन् ।
बीबीसी फारसी सेवाका अनुसार राष्ट्रपति लीले दक्षिण कोरिया कुनै पनि सैन्य तैनाथी नगर्ने, युद्धमा सहभागी नहुने र युद्धमा संलग्न नहुने बताएका हुन् ।
होर्मुजमा दक्षिण कोरियाली सेना पठाउने सम्भावनाको विरोधमा पछिल्ला केही सातादेखि देशभर प्रदर्शनसमेत हुँदै आएका छन् ।
राष्ट्रपति लीले भने दक्षिण कोरियाले आफ्ना व्यापारिक जहाज तथा तेल ढुवानीका मार्गको सुरक्षाका लागि आवश्यक कदम चाल्ने बताएका छन् ।
यसअघि इरानी विदेश मन्त्रालयका प्रवक्ता इस्माइल बगाईले दक्षिण कोरियालाई होर्मुज जलमार्ग र फारसको खाडी क्षेत्रमा सैन्य उपस्थिति वा परिचालनमा सहभागी नहुन चेतावनी दिएका थिए । उनले त्यस्तो कदमलाई आक्रमणकारीलाई प्रत्यक्ष सहयोग गरेको रूपमा लिइने र त्यसको परिणाम भोग्नुपर्ने चेतावनी दिएका थिए ।
प्रकाशित मिति: २ आश्विन २०८३, शुक्रबार
प्रतिक्रिया