काठमाडौं । प्रतिनिधि सभाले राष्ट्रिय सेवा दल विधेयक, २०८३ सर्वसम्मतिले पारित गरेको छ ।
सोमबार बसेको प्रतिनिधि सभा बैठकमा प्रधानमन्त्री तथा रक्षामन्त्री वालेन्द्र शाहका तर्फबाट कानुन, न्याय तथा संसदीय मामिलामन्त्री सोविता गौतमले प्रस्तुत गरेको विधेयक सर्वसम्मतिले पारित भएको हो ।
विधेयक प्रस्तुत गर्दै मन्त्री गौतमले राज्य, व्यवस्था तथा सुशासन समितिमा विधेयकमाथि विस्तृत छलफल भइसकेको जानकारी दिइन् । उनले विधेयक निर्माण गर्दा बालबालिकाको अधिकारलाई प्राथमिकतामा राखिएको बताइन् ।
तालिम लिन इच्छुक विद्यार्थीका लागि निश्चित मापदण्ड तय गरिएको उल्लेख गर्दै गौतमले दुर्गम तथा विकट क्षेत्रका विद्यार्थीलाई प्राथमिकता दिने व्यवस्था विधेयकमा समेटिएको जानकारी दिइन् ।
विधेयकमाथिको छलफलमा विभिन्न सांसदले सहभागिता जनाउँदै आफ्ना धारणा राखेका थिए ।
प्रतिनिधि सभाको अर्को बैठक असोज ६ गते दिउँसो १ बजे बस्नेछ ।
प्रकाशित मिति: ५ आश्विन २०८३, सोमबार
प्रतिक्रिया