काठमाडौं । अमेरिकी राष्ट्रपति डोनाल्ड ट्रम्पले एक साताभित्र हर्मुज स्ट्रेट खोल्ने इरानको प्रस्ताव अस्वीकार गरेका छन्।
इरानी विदेशमन्त्री अब्बास अराघचीले हर्मुज स्ट्रेट संवाद र वार्तामार्फत मात्रै पुनः खोल्न सकिने बताएका छन्। उनका अनुसार अमेरिकाबाट प्रस्तावबारे हालसम्म कुनै आधिकारिक जवाफ प्राप्त भएको छैन।
इरानले लेबनानसहित क्षेत्रका सबै द्वन्द्व अन्त्य गर्नुपर्ने र अमेरिकाले लगाएका आर्थिक प्रतिबन्ध हटाउनुपर्ने सर्त राखेको छ। यसैबीच, इरानी अधिकारीहरूले आफ्ना लागि ‘अनधिकृत’ मार्गबाट हर्मुज स्ट्रेट पार नगर्न जहाजहरूलाई चेतावनी दिएका छन्।
प्रकाशित मिति: ११ आश्विन २०८३, आइतबार
प्रतिक्रिया