काठमाडौं । काठमाडौंको रत्नपार्कस्थित रानीपोखरीमा एक पुरुषको शव फेला परेको छ। बुधबार राति करिब १० बजे प्रहरीले पोखरीबाट शव निकालेको हो।
जिल्ला प्रहरी परिसरका प्रहरी उपरीक्षक दानबहादुर थापाका अनुसार मृतक करिब ३५ देखि ४० वर्ष उमेरका देखिन्छन्। उनको पहिचान खुल्न सकेको छैन।
प्रहरीको प्रारम्भिक अनुसन्धानअनुसार ती पुरुषले पोखरीमा हाम फालेको आशङ्का गरिएको छ। उनले लगाएको ज्याकेट पोखरीको किनारमा फेला परेको बताइएको छ।
शवलाई पोस्टमार्टमका लागि शिक्षण अस्पताल पठाइएको प्रहरीले जनाएको छ। घटनाबारे थप अनुसन्धान भइरहेको छ।
प्रकाशित मिति: २९ आश्विन २०८३, बिहिबार
प्रतिक्रिया