काठमाडौं । काठमाडौंको बालुवाटारस्थित एक रेस्टुरेन्टमा जुवा खेलिरहेको अवस्थामा प्रहरीले नौ जनालाई पक्राउ गरेको छ। उनीहरूको साथबाट ६ लाख ८५ हजार १९५ रुपैयाँ नगदसहित तास र मोबाइल फोन बरामद गरिएको छ।
काठमाडौं महानगरपालिका–४ स्थित नेपाल हाउस रेस्टुरेन्टमा जुवा खेल भइरहेको सूचनाका आधारमा प्रहरी वृत्त मालीगाउँबाट खटिएको टोलीले आइतबार बिहान करिब २ बजे छापा मारेको थियो।
प्रहरीका अनुसार जुवातास खेलिरहेको अवस्थामा फेला परेका नौ जनालाई नियन्त्रणमा लिइएको हो। उनीहरूको साथबाट नौ बुक तास र १० थान मोबाइल फोनसमेत बरामद गरिएको प्रहरीले जनाएको छ।
पक्राउ पर्नेमा काठमाडौं महानगरपालिका–४ का ४९ वर्षीय सुनिल श्रेष्ठ, ३७ वर्षीय सहिद महमद, २८ वर्षीय सरोज कार्की र ३४ वर्षीय अनिल भण्डारी रहेका छन्।
प्रकाशित मिति: २२ कार्तिक २०८३, आइतबार
प्रतिक्रिया