काठमाडौं । बागमती प्रदेशका पूर्वमुख्यमन्त्री ईन्द्रबहादुर बानियाँविरुद्ध पक्राउ पुर्जी जारी भएको छ।

नेपाली कांग्रेस बागमती प्रदेश संसदीय दलका नेतासमेत रहेका बानियाँमाथि बैंकिङ कसुरसम्बन्धी विषयमा अनुसन्धान गर्न केन्द्रीय अनुसन्धान ब्युरो (सिआइबी) ले उच्च अदालत पाटनबाट गत साता पक्राउ अनुमति लिएको जनाइएको छ ।

प्रहरीले बानियाँसँग सम्बन्धित घटना’ र  विस्तृत विवरण भने सार्वजनिक गरेको छैन। बानियाँका छोरा दीक्षान्त अहिले सीआईबीकै हिरासतमा छन् । दीक्षान्त १६ कात्तिकमा पक्राउ परेका थिए । प्रभु बैंकबाट ३४ करोड ऋण लिएर प्रयोजनविपरित खर्च गरेको आरोप उनीहरूमाथि छ ।

त्यस्तै, गत वैशाखमा सम्पत्ति शुद्धीकरण अनुसन्धान विभागले बानियाँको निवासमा छापा मारेको थियो। बानियाँ २०८२ साउन २० देखि २०८३ भदौ १ गतेसम्म बागमती प्रदेशको मुख्यमन्त्री बनेका थिए।

प्रकाशित मिति: ६ मंसिर २०८३, आइतबार

ग्लोबल नागरिक संवाददाता

'हामी जे देख्छौं, त्यही लेख्छौं र देखाउछौं'
सत्य-तथ्य निष्पक्ष ताजा समाचार'

यो खबर पढेर तपाईलाई कस्तो महसुस भयो ?


स्रोतहरू खुलाइएका बाहेक ग्लोबल नागरिकमा प्रकाशित सम्पूर्ण सामग्रीहरू ग्लोबल जर्नालिस्ट ग्रुपका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।

©2026 GlobalNagarik All rights reserved. | Website by Appharu.com