काठमाडौं । नेपाली युवा किक बक्सर अविरल घिमिरेले जापानको नागोयामा आयोजित हिट किक बक्सिङ–५९ विश्व च्याम्पियनसिपमा ऐतिहासिक जित हासिल गरेका छन्।
घिमिरेले फ्रान्सका सन् २०२५ का विश्व च्याम्पियन बक्सर माथन चोइनार्डलाई दोस्रो राउण्डको दोस्रो मिनेटमा नकआउट गर्दै विश्व च्याम्पियन बनेका हुन्।
२९ अन्तर्राष्ट्रिय खेलमा सहभागी घिमिरेले २१ खेल जितेका छन्, जसमा २० खेल नकआउटमार्फत जितेका छन्। जितपछि उनले भोटेकोसी बाढीबाट प्रभावित परिवारप्रति दुःख व्यक्त गर्दै पीडितलाई सहयोग गर्ने बताएका छन्। साथै उनले आफ्नो सफलतामा साथ दिने सबैलाई धन्यवाद दिएका छन्।
प्रकाशित मिति: २० भाद्र २०८३, शनिबार
प्रतिक्रिया