सप्तरी । पूर्व–पश्चिम राजमार्गअन्तर्गत सप्तरीको सुरुङ्गा नगरपालिका–६ श्रीपुरमा ईभी कार भारतीय ट्यांकरमा ठोक्किँदा चार जना घाइते भएका छन्। दुर्घटना बुधबार बिहान करिब पौने ६ बजे भएको हो।
प्रहरीका अनुसार काठमाडौँबाट झापातर्फ जाँदै गरेको बा.प्र.०३५ च ३३१७ नम्बरको ईभी कार सडक किनारमा रोकिराखिएको डब्लुबी ११ एफ १७९५ नम्बरको भारतीय ट्यांकरमा ठोक्किएको हो।
दुर्घटनामा कार चालक धादिङका २१ वर्षीय मनोज श्रेष्ठसहित सुनसरीका ओशिम खान, मोहन कविरथ र झापाका पवन राई घाइते भएका छन्।
जिल्ला प्रहरी कार्यालय सप्तरीका अनुसार बाक्लो हुस्सुका कारण अगाडिको दृश्य स्पष्ट नदेखिँदा दुर्घटना भएको प्रारम्भिक अनुसन्धानबाट खुलेको छ। घटनाबारे थप अनुसन्धान भइरहेको प्रहरीले जनाएको छ।
प्रकाशित मिति: ३१ भाद्र २०८३, बुधबार
प्रतिक्रिया