काठमाडौं । नेपाली कांग्रेसको १५औँ महाधिवेशनअन्तर्गत नयाँ नेतृत्व चयनका लागि भइरहेको मतदानको समय साँझ ५ बजेसम्म थप गरिएको छ।
यसअघि दिउँसो ३ बजेसम्मका लागि तोकिएको मतदानको समय दुई घण्टा बढाइएको हो। मतदान गर्न लामो समय लाग्ने र मतदान केन्द्रमा प्रतिनिधिहरूको लाइन बढेपछि समय थप गरिएको केन्द्रीय निर्वाचन समितिले जनाएको छ।
बिहान ७ बजेदेखि सुरु भएको मतदानमा ७ हजार ३१७ महाधिवेशन प्रतिनिधि सहभागी हुँदैछन्। सभापति, उपसभापति, महामन्त्री, सहमहामन्त्री र केन्द्रीय सदस्य चयनका लागि २३ वटा क्लस्टरमा मतदान गर्नुपर्ने भएकाले समय लागेको हो।
प्रकाशित मिति: २३ आश्विन २०८३, शुक्रबार
प्रतिक्रिया