दैलेख -दैलेखको आठविस नगरपालिकामा नेकपा एमालेका तर्फबाट मेयर पदका उम्मेदवार तर्कबहादुर बडुवालले चुनावी प्रचारमा प्रयोग गर्दै आएको गाडीमा आगजनी भएको छ।
आठविस नगरपालिका वडा नम्बर ४ राकम कर्णालीस्थित सृष्टी होटल अगाडि पार्किङ अबस्थामा रहेको बा १९ च ५५७९ नम्बरको स्कर्पियोमा राति आगजनी भएको हो।आगजनीबाट गाडीको एउटा टायरको बाहिरी भाग जलेको बताईएको छ ।
गाडीमा कसैले आगो लगाएको हो या आफैं लाग्न पुगेको हो भन्ने बारेमा पुष्टि भइनसकेको दैलेखका प्रहरी प्रमुख प्रहरी नायव उपरीक्षक भुवनेश्वरप्रसाद साहले बताए।यसबारे अनुसन्धान भइरहेको छ ।
प्रकाशित मिति: २६ बैशाख २०७९, सोमबार
प्रतिक्रिया