काठमाडौँ । पूर्व राष्ट्रिय क्रिकेट अलराउन्डर आदिल अन्सारीलाई क्रिकेटमा फर्काउने तयारी भएको छ । स्पट फिक्सिङमाको अभियोगमा सफाइ पाएका अन्सारीलाई क्रिकेटमा फर्काउने तयारी भएको हो ।
नेपाल क्रिकेट संघ (क्यान)ले आन्तरिक रूपमा उनलाई क्रिकेटमा फर्काउने तयारी गरेको हो । आदिलसहित ५ जनालाई काठमाडौँमा भएको नेपाल टी-२० लिगमा स्पट फिक्सिङ गरेको आरोप लागेको भए पनि पछि सबैलाई काठमाडौँ जिल्ला अदालतले सफाई दिएको थियो ।
आरोपपछि क्यानसहित क्रिकेटको सर्वोच्च संस्था आइसिसीले अन्सारीलाई अन्तराष्ट्रिय क्रिकेटमा प्रतिबन्ध लगाएको थियो । अदालतबाट सफाइ पाइसकेपछि आइसिसीसँग आवश्यक सम्वन्य भइरहेको क्यान स्रोतले जनाएको छ ।
विस्फोटक ब्याटर आदिल मध्यम गतिका बलर समेत हुन । क्यानका आधिकारिक प्रतियोगिता उनले खेल्न नपाए पनि देशका विभिन्न स्थानमा हुने लिगमा भने आदिल खेलिरहेका छन् ।
आइसिसीबाट उनले अनुमति पाए राष्ट्रिय टोलीमा आदिल पर्ने सम्भावना पक्कापक्की छ ।
प्रकाशित मिति: १० असार २०८१, आइतबार
प्रतिक्रिया