काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओली नै सहकारी ठगलाई बचाउन लागेको आरोप लगाएका छन् ।
काठमाडौँमा आयोजित खबरदारी सभामा बोल्दै प्रचण्डले सहकारी ठगीमा पक्राउ परेका रास्वपाका सभापति रवि लामिछानेलाई बचाउन प्रधानमन्त्री ओली नै लागेको बताए ।
उनले आफू पहिलेबाटै रवि लामिछानेमाथि सहकारी छानबिन संसदीय समिति बनाउन उचित हुन्छ भनेको स्पष्ट पारे ।
‘त्यति बेला रवि लामिछानेको कुरा चलिरहेको थियो । रवि लामिछानेलाई पनि दोषी भए सजाय पाउनुहुन्छ नभए उन्मुक्ति पाउनुहुन्छ । डराउनुपर्ने कारण के छ ? भनेको हो मैले, प्रचण्डले भने ‘त्यही अनुसार रविले पनि बनोस् भनेको हो । बन्न हुँदैन भन्ने केपी ओलीजी हो । रविलाई हर हालतमा बचाउनैपर्छ भन्ने केपी ओली हो । आज म तपाईँहरूलाई यो प्रस्ट भन्न चाहन्छु ।’
प्रकाशित मिति: १० कार्तिक २०८१, शनिबार
प्रतिक्रिया