काठमाडौं । साफ अन्डर ट्वेन्टी महिला च्याम्पियनसिपमा नेपालले आज आयोजक बंगलादेशसँग खेल्दैछ।
खेल नेपाली समय अनुसार राति ७ बजे बसुन्धारा किङ्गस अरिनामा सुरु हुने छ। नेपालले पहिलो खेलमा भुटानलाई ६–१ गोलले पराजित गरेको छ। भने बंगलादेशले श्रीलंकालाई ९–१ गोलले पराजित गरेको छ। यो प्रतियोगितामा भारत भने सहभागी छैन।
दुई वर्षअघि बंगलादेशमा भएको साफ च्याम्पियनसिपको फाइनलमा नेपाल ३–० ले पराजित भएको थियो। पछिल्लो समय महिला साफमा बंगलादेश र नेपाल धेरै पटक फाइनलमा भिडिरहेका छन्। यस पटक पनि नेपालले आफ्नो मुख्य प्रतिद्वन्द्वी बंगलादेशलाई नै मानेको छ।
नेपालले आफ्नो तेस्रो खेलमा ३१ गते श्रीलंकाको सामना गर्नेछ।
प्रकाशित मिति: २९ असार २०८२, आइतबार
प्रतिक्रिया