काठमाडौं । नेकपा (एमाले) का महासचिव शंकर पोखरेलले वर्तमान सरकारको एक वर्ष पूरा भएको अवसरमा सरकारको काम कारबाहीमा सुधारका संकेत देखिएको बताएका छन्।
सामाजिक सञ्जालमार्फत प्रतिक्रिया दिँदै पोखरेलले लेखेका छन्, “पार्टी अध्यक्षको नेतृत्वमा बनेको सरकारको एक वर्ष पूरा भएको छ। यो अवधिमा देशको ओरालो यात्रा रोकिएको छ र सुधारका स्पष्ट परिणाम देखिन थालेका छन्।”
गत वर्ष असार ३० गते नेकपा एमाले अध्यक्ष केपी शर्मा ओली प्रधानमन्त्री नियुक्त भएका थिए। नेपाली कांग्रेस र नेकपा एमालेबीच १७ असार २०८१ मा भएको ७ बुँदे समझदारीअनुसार संयुक्त सरकार गठन गरिएको हो। सोही समझदारीअनुसार ओली पहिलो चरणको प्रधानमन्त्री बनेका हुन् भने दोस्रो चरणमा नेपाली कांग्रेस सभापति शेरबहादुर देउवाले नेतृत्व सम्हाल्ने सहमति छ।
एमाले महासचिव पोखरेलले एक वर्षे कार्यकालमा सुधारका प्रयास देखिनु सकारात्मक संकेत भएको बताएका छन्।
प्रकाशित मिति: ३० असार २०८२, सोमबार
प्रतिक्रिया