काठमाडौं । राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) का सांसदहरूले बिहीबार प्रतिनिधिसभाको बैठकमा उभिएर विरोध जनाएका छन्।
निर्धारित समयभन्दा करिब आधा घण्टा ढिलो गरी सुरु भएको बैठकको प्रारम्भमै दुवै पार्टीका सांसदहरू विरोधस्वरूप उठेका हुन्। सभामुख देवराज घिमिरेले बैठक सुरु भएको घोषणा गरेलगत्तै रास्वपा र राप्रपाका सांसदहरू एकैसाथ उभिएर असन्तुष्टि प्रकट गरेका थिए।
विरोधपछि सभामुख घिमिरेले राष्ट्रिय स्वतन्त्र पार्टीकी सांसद डा. तोषिमा कार्कीलाई बोल्ने अनुमति दिएका थिए। हाल प्रतिनिधिसभामा सांसद कार्की आफ्नो धारणा राखिरहेकी छन्।
प्रकाशित मिति: ८ श्रावण २०८२, बिहिबार
प्रतिक्रिया