काठमाडाैं । प्रधानमन्त्री केपी शर्मा ओलीले नेपाली कांग्रेस र नेकपा एमालेको गठबन्धन सरकार आगामी २०८४ को निर्वाचनसम्म निरन्तरता पाउने स्पष्ट पारेका छन्।
शुक्रवार महोत्तरीमा आयोजित एक कार्यक्रममा बोल्दै प्रधानमन्त्री ओलीले हालको संयुक्त सरकार विकासमा केन्द्रित रहेको बताए। “यो सरकार नेपाली कांग्रेस र नेकपा एमालेको सहकार्यमा बनेको हो, म यसको नेतृत्व गरिरहेको छु,” उनले भने।
प्रधानमन्त्री ओलीले आफू नेतृत्वमा रहँदा आगामी एक वर्षभित्र उल्लेखनीय विकास निर्माण गरिने दाबी गरे। साथै, निर्वाचनसम्म सरकारले स्थिरता कायम राख्दै विकासका काममा निरन्तरता दिने प्रतिबद्धता पनि व्यक्त गरे ।
प्रकाशित मिति: ९ श्रावण २०८२, शुक्रबार
प्रतिक्रिया