काठमाडौं । उज्यालो नेपाल पार्टीकी केन्द्रीय सदस्य विद्या श्रेष्ठले पदबाट राजीनामा दिएको घोषणा गरेकी छिन्। उनले मंगलबार सामाजिक सञ्जालमार्फत आफ्नो राजीनामा सार्वजनिक गरेकी हुन्।
हेटौडामा भइरहेको सडक विस्तारको विरोधस्वरूप राजीनामा दिएको श्रेष्ठले बताएकी छन्। सडक विस्तारका नाममा सरकारले बल प्रयोग गरेको र मानव अधिकार उल्लंघन भएको आरोप पनि उनले लगाएकी छन्।
सामाजिक सञ्जालमा उनले लेखेकी छन्, आजदेखि म उज्यालो नेपाल पार्टीको केन्द्रीय सदस्यबाट राजीनामा गर्छु। मेरो नैतिकताले अनुमति नदिएकोले म हेटौडा पीडितहरूको साथमा छु।
प्रकाशित मिति: २० मंसिर २०८२, शनिबार
प्रतिक्रिया