काठमाडौं । राष्ट्रिय प्रजातन्त्र पार्टी (राप्रपा) को केन्द्रीय कार्यसम्पादन समितिको बैठक सुरु भएको छ।
धुम्बाराहीस्थित पार्टी केन्द्रीय कार्यालयमा जारी बैठकमा आगामी असार ५ गतेदेखि बस्ने केन्द्रीय कार्यसमिति बैठकका एजेन्डा तय गर्ने मुख्य कार्यसूची रहेको प्रवक्ता मोहन श्रेष्ठले जानकारी दिएका छन्।
उनका अनुसार कार्यसमिति बैठकमा छलफल हुने विषय, संगठनात्मक एजेन्डा तथा समसामयिक राजनीतिक विषयहरूलाई अन्तिम रूप दिन कार्यसम्पादन समितिको बैठक बसेको हो।
पार्टीका आन्तरिक गतिविधि, संगठन सुदृढीकरण तथा आगामी रणनीतिसम्बन्धी विषयमा समेत छलफल हुने बताइएको छ।
प्रकाशित मिति: ४ असार २०८३, बिहिबार
प्रतिक्रिया