काठमाडौं । शुक्रबार राष्ट्रपति विद्यादेवी भण्डारीको सवारीको क्रममा डाक्टरमाथि लाठीचार्ज गर्ने प्रहरी निलम्बित भएका छन्।
नेपाल चिकित्सक संघका आजीवन सदस्य एवं राष्ट्रिय ट्रमा सेन्टरका वरिष्ठ अर्थोपेडिक सर्जन डा. जनिथलाल सिंहलाई लाठीचार्ज गरेका हवल्दार शम्भुजंग गुरुङ निलम्बित भएका हुन्।
राष्ट्रपति भण्डारी शुक्रबार संघीय संसदलाई सम्बोधन गरेर फर्किंदा सडक खाली गर्ने क्रममा प्रहरीले ट्रमा सेन्टरमा कार्यरत चिकित्सकलाई कुटपिट गरेका थिए।
डा. जनिथलाल सिंह सर्जरी सकेर घर जाँदै गर्दा आफ्नो परिचय पत्र देखाउँदा देखाउँदै पनि अस्पताल परिसर भित्रै उनीमाथि लाठी प्रहार भएको थियो ।
प्रकाशित मिति: २८ माघ २०७९, शनिबार
प्रतिक्रिया