कास्की – दुर्घटना पश्चात टिपर चालकलाई कुटपिट गरेको आरोपमा कास्कीमा मोटरसाइकल चालक पक्राउ परेका छन्। मोटरसाइकल र टिपर ठोक्किएपछि मोटरसाइकल चालकले टिपर चालकलाई कुटपिट गरेका हुन्। 
पोखरा महानगरपालिका वडा नम्बर ५ फिर्के पुलमा रहेकाे पोखरा बाग्लुङ सडक खण्डमा वैशाख १० गते माेटरसाइकल र टिपर ठाेक्किएर दुर्घटना भएकाे थियाे ।
प्रहरीले म्याग्दी घर भइ हाल कास्की पोखरा महानगरपालिका-१९ लामाचौर बस्दै आएका ४३ वर्षीय मोटरसाइकल चालक मिनबहादुर मगरलाई नियन्त्रणमा लिएको कास्की प्रहरी प्रवक्ता डीएसपी सुन्दर तिवारीले जानकारी दिए ।
आरोपित लाई शान्ति सुव्यवस्था तथा नैतिकता विरुद्धको कसुर अन्तर्गत अभद्र व्यवहार मुद्दामा दश दिन म्याद थप गरी अनुसन्धान भइ रहेको उनले जानकारी दिए । 
प्रकाशित मिति: १३ बैशाख २०७९, मंगलबार
प्रतिक्रिया