काठमाडौं । विप्लव नेतृत्वको नेपाल कम्युनिस्ट पार्टीले काठमाडौं जिल्ला अदालतबाट जारी भएको पक्राउ पुर्जीको विरोधमा आन्दोलन घोषणा गरेको छ ।
मंगलबार विज्ञप्ति जारी गर्दै महासचिव विप्लवले पक्राउ पुर्जी गरिनु गैरकानूनी, अराजक र विध्वंसात्मक कार्य भएको बताएका छन् । त्यसविरुद्ध मंसिर १९ गते मसाल जुलुस प्रदर्शन गर्ने, २० गते न्यायाधीशको पुत्ला जलाउने र २१ गते देशव्यापी जनप्रदर्शन गर्ने विप्लवले विज्ञप्तिमार्फत जनाएका छन् ।
२०७६ सालको एक घटनामा जिल्ला अदालत काठमाडौंले विप्लवविरुद्ध पक्राउ पुर्जी जारी गरेको सूचना सोमबार गोरखापत्रमा प्रकाशित गरेको थियो ।
प्रकाशित मिति: १९ मंसिर २०८०, मंगलबार
प्रतिक्रिया