काठमाडौं । नायिका रेखा थापाले आफ्नो पहिलो सन्तानलाई अमेरिकामा जन्म दिने भएकी छिन् ।
सन्तानलाई अमेरिकामा जन्म दिन उनी केही दिन अगाडि मात्र अमेरिका पुगेकी छिन् । रेखा ५ महिना अमेरिकामा नै बस्न लागेको बुझिएको छ।
रेखाले आफ्ना प्रेमी बलराम शाहीसँग डेढ बर्ष अगाडि बिहे गरेकी थिइन् । विशेष गरि, बलरामको परिवार नै अमेरिकामा रहेकाले रेखाले सन्तानलाई उतै जन्म दिन लागेको बुझिएको छ ।
रेखाले सामाजिक संजालमा अमेरिकामा पुगेर आफ्ना श्रीमान्को जन्मदिन मनाउँदै गरेको तस्विर र भिडियो पोष्ट गरेकी छिन् ।
रेखाले निर्माण गरेको फिल्म ‘उपहार’ फागुनको २५ गतेबाट रिलिज हुँदैछ । यो फिल्मको डबिङको काम रेखाले सकिसकेकी छिन् । यती मात्र होइन, उनले फिल्मको प्रमोसनका लागि पनि थुप्रै मिडियामा पुगेर अन्तरवार्ता दिइसकेकी छिन् । रेखा फिल्म रिलिजको समयमा नेपालमा हुने छैनन्।
रेखालाई डाक्टरले माघ महिनाको डेट दिएका छन् । माघ महिनामा सन्तानलाई जन्म दिने भएकाले पनि रेखा २ महिना अगाडि नै सपनाको देश उडेकी हुन् ।
–मेरो फिल्म्स डटकमबाट
प्रकाशित मिति: २३ मंसिर २०८०, शनिबार
प्रतिक्रिया