काठमाडौँ । दक्षिण अफ्रिकामा जारी आईसीसी यू–१९ विश्वकप क्रिकेट प्रतियोगिताको ‘सुपर सिक्स’ चरणको बुधबार खेलिएको खेलमा नेपालले बंगलादेशलाई जितका लागि एक सय ७० रनको लक्ष्य दिएको छ ।
टस जिती पहिले ब्याटिङ रोजेको नेपालले ४९.५ ओभरमा अलआउट हुनुअघि एक सय ६९ रन बनाएको हो । नेपालका लागि विशालबिक्रम केसीले सर्वाधिक ४८ रनको योगदान गरे । उनले एक सय बलको सामना गरी ६ चौका पनि हिर्काए ।
कप्तान देब खनालले पनि टोलीको खातामा ३५ रन थपे । उनले ६० बलको सामना गरी तीन चौका हिर्काएका थिए । सुवाष भण्डारी १८ रनमा अविजित रहे । ओपनर ब्याट्सम्यान अर्जुन कुमालले १४ रन बनाएका थिए । नेपालका अन्य ब्याट्सम्यानले दोहोरो अंकमा रन बटुल्न सकेनन् ।
प्रकाशित मिति: १७ माघ २०८०, बुधबार
प्रतिक्रिया