काठमाडौं । दक्षिण अफ्रिकामा जारी आईसीसी एक दिवसिय यू–१९ विश्वकप अन्तर्गत सुपर–६ को खेलमा नेपाल बंगलादेशसँग पराजित भएको छ।
टस जितेर पहिले ब्याटिङ गर्दै नेपालले दिएको १७० रनको लक्ष्य बंगलादेशले पाँच विकेटको क्षतिमा २५ दशमलव २ ओभरमा पूरा गर्यो।
बंगलादेशको जितमा जिसान आलमले ५५ रनको योगदान दिए। यस्तै आरिफूल स्लामले नटआउट ५९ रन बनाए। आशिक्यूर रहमान शिबलीले १६ बनाउँदा चोवाधुर महम्मद रिजवान १५ र अहरर अमिमले १२ रन जोडे।
नेपालका लागि बंगलादेशको पाँच विकेट सुवास भण्डारी एक्लैले लिए। ८ ओभर बलिङ गरेका भण्डारीले ४४ रन खर्चिँदै ५ विकेट लिएका हुन्।
प्रकाशित मिति: १७ माघ २०८०, बुधबार
प्रतिक्रिया