काठमाडौँ । नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले चितवनको शिशु निकेतन स्कुलको छात्रावासमा बालिका शालीन पोखरेलको शव झुन्डिएको अवस्थामा फेला परेको घटनाले बेचैन बनाएको बताएका छन् । संवेदनशील यो घटनामा राज्यको निकायले गहिरो अनुसन्धान गर्नुपर्ने उनले बताए ।
‘यस्तो संवेदनशील घटनामा राज्यको निकाय प्रहरीले गहिरो अनुसन्धान गरोस्’, ओलीले फेसबुकमा लेखेका छन्, ‘परिवार र आफन्त अत्यन्त पीडित छन् । यस्ता घटनालाई अनुसन्धान गर्ने निकाय भन्दा बाहिरबाट हुने हल्ला र अफवाहले असहयोग पुगिरहेको हुन्छ ।’ अनुसन्धानलाई सबैले सहयोग गर्नुपर्ने बताउँदै ओलीले भने, ‘हत्या वा आत्महत्या के हो, गहिरो र विश्वसनीय अनुसन्धान गरेर बाहिर ल्याइयोस् । सबैले अनुसन्धानलाई सहयोग गरौँ ।’
प्रकाशित मिति: २० फाल्गुन २०८०, आइतबार
प्रतिक्रिया