काठमाडौं -अर्थमन्त्री जनार्दन शर्माले स्थानीय निर्वाचन प्रतिगामी र प्रगतिशील शक्तिबीचको लडाइँ भएको बताएका छन् । विशेष अपिल जारी गर्दै उनले निर्वाचन सत्य र झुटबीचको संघर्ष भएको पनि बताउँदै उत्साहपूर्वक रुपमा मतदानमा सहभागी हुन पनि मतदाता लाई आग्रह गरेका छन् ।
वैशाख ३० गते एउटा विशिष्ट दिन रहेको बताउँदै उनले भने -‘वैशाख ३० गते ७ सय ५३ वटै पालिकामा जनताका असली प्रतिनिधि चयन गर्ने एउटा ऐतिहासिक दिन मात्र नभएर निर्वाचन जनताको सर्वोच्चतालाई स्थापित गर्ने महत्वपूर्ण माध्यम र अवसर हो ।’
उनले हरेक एक मतले राष्ट्रको स्वाधीनता, सार्वभौमिकता, भौगोलिक अखण्डता, संविधान र लोकतन्त्रको रक्षा, सामाजिक न्यायसहितको समृद्धिको एजेन्डा संस्थागत गर्न निर्णायक भूमिका खेल्ने पनि बताए ।
प्रकाशित मिति: २६ बैशाख २०७९, सोमबार
प्रतिक्रिया