चितवन । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आउँदो नयाँ वर्षसँगै देशमा नयाँ सरकार गठनको संकेत गरेका छन्।
गृह जिल्ला चितवनमा आज सञ्चारकर्मीहरूसँग कुराकानी गर्दै अध्यक्ष प्रचण्डले पछिल्लो समय राजनीतिक घटनाक्रम तीव्र रूपमा विकसित भएको उल्लेख गर्दै, आफूले हालैको नयाँ अनुभवका आधारमा यस्तो सम्भावना औंल्याएको बताए।
पत्रकारहरूले नयाँ वर्षमा नयाँ सरकार बन्ने सम्भावनाबारे सोधेको प्रश्नमा प्रचण्डले भने, “परिस्थितिहरू यस्तो रूपमा अगाडि बढिरहेका छन् कि यो सरकार दीर्घकालीन रूपमा टिक्न गाह्रो देखिन्छ। त्यसैले कुनै पनि प्रकारको राजनीतिक परिवर्तनको सम्भावना रहन्छ।”
उनले जनतामा हालको सरकारप्रति असन्तोष बढ्दै गएको धारणा राख्दै थपे, “सरकारमा रहेका प्रमुख दलहरू नै सडकमा आउने अवस्थामा पुगेका छन्। यस्तो परिस्थितिमा नयाँ वर्षले देशलाई राजनीतिक निकास दिन सक्छ भन्ने मेरो विश्वास छ।”
यसअघि, एक टेलिभिजन अन्तर्वार्तामा समेत प्रचण्डले नेपाली कांग्रेसको नेतृत्वमा नयाँ सरकार बन्न सक्ने सम्भावना रहेको संकेत गरेका थिए।
प्रकाशित मिति: ३० चैत्र २०८१, आइतबार
प्रतिक्रिया