काठमाडौं । वाणिज्य बैंकहरुले महँगा फोनसहित विलासी सामानका लागि कम्तिमा एक हप्तासम्म प्रतितपत्र (एलसी) नखोल्ने भएका छन् ।
आइतबार बसेको नेपाल बैंकर्स संघको बैठकले निक्षेपको ब्याजदर स्थिर राख्ने र अत्यावश्यकबाहेक विलासी सामग्रीका लागि एलसी नखोल्ने निर्णय गरेको छ ।
विदेशी मुद्राको सञ्चिति घट्दा अर्थतन्त्र समस्यामा पर्नसक्ने भन्दै राष्ट्र बैंकले गत साता कम्तिमा एक साता एलसी ठप्प बनाउन मौखिक निर्देशन दिएकाे थियाे ।
यसपछि आइतबार बसेको संघको बैठकले एक सातासम्म मोबाइलसहित निजी गाडी, चुरोट, रक्सी, सजावटका सामग्री, पर्फ्युम लगायत विलासी सामाग्रीका लागि एलसी नखोल्ने निर्णय गरेकाे हाे ।
साथै एक हप्तापछि आवश्यकताका आधारमा थप निर्णय हुने पनि संघले जनाएकाे छ ।
प्रकाशित मिति: ५ बैशाख २०७९, सोमबार
प्रतिक्रिया