काठमाडौं । सोमबार फोहोर थुपार्ने गाडीको फोटो खिच्ने क्रममा सुन मान्छेका नामले चिनिने सुवास घिसिङले बागमती सभ्यता एकीकृत विकास समितिका कर्मचारीलाई निर्घात कुटपिट गरेका छन् ।
फोहोर व्यवसायमा संलग्न घिसिङले आफ्नो क्षेत्रमा आएर फोटो खिच्ने बलराम श्रेष्ठमाथि हातमा लगाइएको घोच्ने औँठीले पछाडिबाट टाउकोमा हिर्काएका थिए ।
बौद्ध, नयाँवस्तीमा घिसिङको आक्रमणबाट टाउकोमा गम्भीर चोट लागेका श्रेष्ठको अहिले उपचार भइरहेको छ । श्रेष्ठको टाउकोमा तीन टाँका स्टिच गरिएको बागमती सफाइ महाअभियानका अभियन्ता किशोर जंग शाहीले बताए ।
घिसिङ अहिले पक्राउ परेर महानगरीय प्रहरी वृत्त बौद्धमा रहेका छन् ।
प्रकाशित मिति: २८ असार २०७९, मंगलबार
प्रतिक्रिया