पोखरा । नवौं राष्ट्रिय खेलकुद अन्तर्गत महिला फुटबलतर्फ नेपाल एपिएफ फुटबल क्लबले कर्णाली प्रदेशलाई फराकिलो अन्तरले पराजित गरेको छ । पहिलो हाफमै १० गोल गरेको एपिएफले दोस्रो हाफमा ६ गोल गर्दै १६-० को जित दर्ता गरेको हो ।
एपिएफको जितमा सावित्रा भण्डारीले ५ गोल गरिन् । उनले १८ मिनेटमा नै ह्याट्रिक पूरा गरिन् । एपिएफको जितमा सरु लिम्बुले ह्याट्रिक पूरा गर्दा अनिता केसी र रविना गोलेले २-२ गोल गरे । गीता राना, मनमाया लिम्बु, सविता रानामगर र प्रिती राईले पनि १-१ गोल थपे ।
एपिएफले यसअघि पहिलो खेलमा प्रदेश-१ लाई ७-१ ले पराजित गरेको थियो । महिला फुटबलमा आज दोस्रो खेलमा गण्डकी र प्रदेश १ खेल्नेछन् । अन्तिम खेल बागमती र लुम्बिनीबीच हुनेछ ।
प्रकाशित मिति: २९ आश्विन २०७९, शनिबार
प्रतिक्रिया