हेटौंडा । नेकपा एमालेको चुनाव चिह्नबाट निर्वाचनमा सहभागी भएका मकवानपुर क्षेत्र नम्बर १ का उम्मेदवार राप्रपा नेपालका अध्यक्ष कमल थापाले एमालेसँग सद्भाव र आत्मियता रहेको बताएका छन् ।
सोमाबार हेटौंडा-५ र ६ मा भएको कार्यक्रममा बोल्दै थापाले एमालेको तर्फबाट सूर्य चिन्ह लिएर चुनावी मैदानमा उत्रन पाउनु आफ्नो लागि सौभाग्य रहेको बताए ।
उनले एमालेसँगको सहकार्य चुनाव जित्ने मात्र नभइ देशको आवश्यकताका कारण भएको स्पष्ट पारे । थापाले बाह्य शक्तिको चलखेल व्यापक रुपमा बढेकोले यसलाई रोक्न राष्ट्रवादी शक्तिहरुको एकता खाँचो रहेको बताए ।
प्रकाशित मिति: १ कार्तिक २०७९, मंगलबार
प्रतिक्रिया