काठमाडौं । अर्थशास्त्री स्वार्णिम वाग्लेले गगन थापालाई चाँडै नै प्रधानमन्त्रीका रूपमा देख्न चाहेको बताएका छन्।
वाग्लेले शनिबार काठमाडौंमा युथ कांग्रेसले गरेको कार्यक्रममा बोल्दै कांग्रेस महामन्त्री थापालाई प्रधानमन्त्रीका रूपमा देख्न चाहेको बताए।
‘गगन थापा मेरो साथी मात्र होइनन्, उनी मेरो नेता पनि हुन्,’ वाग्लेले भने, ‘उहाँ यो देशको प्रधानमन्त्री चाँडै नै बन्नुपर्छ भन्ने मत राख्ने मान्छे हुँ।’
उनले काठमाडौं क्षेत्र नम्बर ४ र सिंगो देश विकासका लागि गगनको नेतृत्व आवश्यक रहेको पनि बताएका थिए। थापा काठमाडौं ४ मा उम्मेदवार छन्।
प्रकाशित मिति: ६ कार्तिक २०७९, आइतबार
प्रतिक्रिया