काठमाडौँ । आगामी मंसिर ४ गतेका लागि तय भएको प्रदेश तथा प्रतिनिधिसभा निर्वाचन नजिकिएसँगै विभिन्न राजनीतिक दलहरूले धमाधम घोषणापत्र सार्वजनिक गरिरहेका छन् ।
प्रमुख राजनीतिक दल नेकपा एमाले, नेपाली काँग्रेस, माओवादी केन्द्र, एकीकृत समाजवादीलगायतले चुनावी घोषणापत्र सार्वजनिक गरिसकेका छन् भने केही दल अझै बाँकी रहेका छन्।
यही निर्वाचनमार्फत पहिलो पटक चुनावमा होमिन लागेको पूर्वसञ्चारकर्मी रवि लामिछाने नेतृत्वको राष्ट्रिय स्वतन्त्र पार्टीले आज बिहीबार वाचा पत्र सार्वजनिक गर्ने भएको छ ।
पार्टीले नेपाल प्रज्ञा प्रतिष्ठानमा आयोजना गरिएको एक कार्यक्रममा सभापति रवि लामिछानेको उपस्थितिमा ‘वाचा पत्र’ सार्वजनिक गरिने सो पार्टीले जनाएको छ ।
प्रकाशित मिति: १७ कार्तिक २०७९, बिहिबार
प्रतिक्रिया