काठमाडौँ । काठमाडौँ महानगरपालिकाको एक विज्ञापन मङ्गलवार बिहानैदेखि चर्चामा छ । महानगरका लागि आवश्यक इन्जिनियर करारमा नियुक्त गर्दा लोक सेवा आयोगका विभिन्न विज्ञापनमा अस्थायी तथा वैकल्पिक योग्यता क्रममा भएकालाई राख्ने निर्णयले चौतर्फी प्रशंसा बटुलेको हो ।
आफ्ना तथा आफन्तको नियुक्तिबाट आजित नागरिकहरूले मेयर बालेनको निष्पक्षताप्रति उच्च सम्मान गर्दै सबैका लागि सिकाई भन्दै सामाजिक सञ्जालमा भाइरल बनाएका छन् ।
पूर्वाधार सम्बन्धका कामका लागि आयोगका विज्ञापन नम्बरहरू नै उल्लेख गर्दै महानगरले अस्थायी तथा वैकल्पिक योग्यता क्रममा भएका सिभिल इन्जिनियर, आर्किटेक्ट इन्जिनियर, इलेक्ट्रिक इन्जिनियर र स्ट्रक्चर इन्जिनियर उम्मेदवारहरूलाई सात दिनभित्र निवेदन दिन भनेको थियो ।
प्रकाशित मिति: २० मंसिर २०७९, मंगलबार
प्रतिक्रिया