अपि हिमाल-३ को दुधिला मावि केन्द्रमा मत हाल्नै कोही आएनन्
दार्चुला । दार्चुलाको अपिहिमाल गाउँपालिका–३ स्थित दुधिला माध्यमिक विद्यालयको मतदान केन्द्रमा अहिलेसम्म मतदान सुरु हुन सकेको छैन। स्थानीय मतदाता कोही पनि मतदान गर्न नआएपछि मतदान प्रक्रिया सुरु हुन नसकेको हो। यसअघि नै स्थानीय बासिन्दाले उक्त क्षेत्रका दुई मतदान केन्द्रमा मतदानमा सहभागी नहुने निर्णय गरेका थिए।
