काठमाडौं । सत्तारूढ दल नेकपा एमाले र नेपाली कांग्रेसबीच बुधबार बालुवाटारमा सम्पन्न बैठकमा संघीय सरकारका मन्त्री हेरफेरबारे कुनै छलफल नभएको नेपाली कांग्रेसका उपसभापति पूर्णबहादुर खड्काले जानकारी दिएका छन्।
बैठकमा सरकारका काम कारबाहीलाई प्रभावकारी बनाउने, विधेयकहरू पारित गरी कानुन निर्माण प्रक्रिया टुंग्याउने र बागमती प्रदेश सरकारसम्बन्धी विषयमा सामान्य समीक्षा गरिएको खड्काले बताए।
“संघीय सरकारका मन्त्री हेरफेरबारे विषय प्रवेश नै भएन, छलफल पनि भएन,” खड्काले भने। उनका अनुसार बागमती प्रदेशको विषय कांग्रेसको भएकाले समाधानको पहल पनि कांग्रेसले नै गर्ने र एमालेले सहयोग गरिरहेको उल्लेख गरिएको छ।
बैठकमा समग्र सरकारको कार्यक्षमता, बजेट कार्यान्वयनको गति र विधायन प्रक्रियालाई अघि बढाउने विषयमा समेत छलफल भएको थियो।
बैठकमा प्रधानमन्त्री पुष्पकमल दाहाल अनुपस्थित रहे पनि कांग्रेसका सभापति शेरबहादुर देउवा, उपसभापति खड्का, गृहमन्त्री रमेश लेखक, एमाले उपाध्यक्ष तथा अर्थमन्त्री विष्णु पौडेल र उपमहासचिव विष्णु रिमाल सहभागी थिए।
प्रकाशित मिति: १५ श्रावण २०८२, बिहिबार
प्रतिक्रिया