काठमाडौं । नेपाली कांग्रेसले असोज-३ गते देशभर संविधान दिवस मनाउने निर्णय गरेको छ। पार्टीका उपसभापति पूर्णबहादुर खड्काका अनुसार, ७७ वटै जिल्लामा संविधानको सम्मान र सुरक्षाका लागि हातमा संविधान लिएर शान्तिपूर्ण प्रदर्शन गर्ने निर्देशन दिइएको छ।
उपसभापति खड्काले बुधबार सानेपास्थित केन्द्रीय कार्यालयमा अवलोकनका क्रममा पत्रकारसँग भने, “असोज ३ गते देशभित्र मात्र नभई विदेशमा रहेका कांग्रेसका कमिटी, भातृ संस्था र शुभेच्छुक संस्थालाई समेत संविधान हातमा लिएर संयुक्त रूपमा शान्तिपूर्ण रुपमा संविधान दिवस मनाउन अनुरोध गरेका छौं।”
उनका अनुसार, पार्टीको कार्यसम्पादन समितिको बैठकले संविधान दिवस मनाउने निर्णय गरेको हो। खड्काले यस अवसरमा संविधानको रक्षामा दृढता र संयमित अभ्यासका साथ दिवस मनाउने पार्टीको प्रतिबद्धता समेत दोहोर्याए।
प्रकाशित मिति: १ आश्विन २०८२, बुधबार
प्रतिक्रिया