काठमाडौं । संघीय लोकतान्त्रिक मोर्चाले आगामी असोज ३ गतेलाई कालो दिनका रूपमा मनाउने घोषणा गरेको छ।
मोर्चाका केन्द्रीय सचिवालय संयोजक डा. शिवजी यादवले विज्ञप्ति जारी गर्दै संविधान २०७२ जारी भएको दिनलाई कालोपट्टि बाँधी विरोधसहित प्रदर्शन गर्ने कार्यक्रम तय गरिएको जानकारी दिएका छन्।
उनको भनाइमा संविधान निर्माण प्रक्रियामा मधेशको असहमति बेवास्ता गरी राज्यले दमनका बीच जबर्जस्ती संविधान जारी गरेको इतिहास आज पनि ताजा छ। विज्ञप्तिमा भनिएको छ । २०७२ असोज ३ गते मधेशका सपुतहरूलाई गोली हानी, एकतर्फी रूपमा संविधान लादिएको थियो। आन्दोलनको भावना विपरीत अपूर्ण र अधुरो संविधान जारी गरिएकै कारण यो दिनलाई कालो दिनका रूपमा सम्झनुपर्छ।
मोर्चाले सामूहिक विरोधमार्फत संविधान संशोधन र मधेशका माग सम्बोधन गर्नुपर्ने आवश्यकतामाथि जोड दिएको छ।
प्रकाशित मिति: २ आश्विन २०८२, बिहिबार
प्रतिक्रिया