काठमाडौं । फागुन २१ मा सम्पन्न प्रतिनिधि सभा निर्वाचनमा प्रत्यक्षतर्फका १२ जना उम्मेदवारले ५० हजारभन्दा बढी मत प्राप्त गरी निर्वाचित भएका छन्।
यी सबै उम्मेदवार राष्ट्रिय स्वतन्त्र पार्टी (रास्वपा) का हुन्।
निर्वाचन आयोगको तथ्याङ्कअनुसार सबैभन्दा बढी मत झापा–५ बाट निर्वाचित बालेन्द्र (बालेन) शाहले पाएका छन्।
उनले ६८ हजार ३४८ मत हासिल गरेका छन्।
दोस्रो सबैभन्दा बढी मत पूर्व उपसभामुख इन्दिरा राना मगरले झापा–२ बाट ६० हजार ११० मत प्राप्त गरी जित हासिल गरेकी छन्।
तेस्रो स्थान चितवन–३ बाट निर्वाचित सोविता गौतमको हो, जसले ५९ हजार २७७ मत ल्याएकी छन्।
रूपन्देही–३ बाट डा. लेखजंग थापाले ५८ हजार ८१४ मत प्राप्त गरी चौथो स्थानमा निर्वाचित भएका छन्।
चितवन–१ बाट हरि ढकालले ५८ हजार २०८ मत ल्याएर पाँचौं स्थानमा पर्न सफल भए।
सुनसरी–२ बाट लाल विक्रम थापाले ५७ हजार ३४८ मत प्राप्त गरी छैटौँ स्थान हासिल गरे।
रूपन्देही–२ बाट सुलभ खरेलले ५६ हजार ५५० मत ल्याएर सातौँ स्थानमा निर्वाचित भए। मोरङ–६ बाट रुबिना आचार्यले ५५ हजार ५१३ मत प्राप्त गरी आठौँ स्थानमा रहेकी छन्।
रूपन्देही–१ बाट सुनिल लम्सालले ५४ हजार ८४५ मत ल्याएर नवौँ स्थानमा निर्वाचित भए।
चितवन–२ बाट रवि लामिछानेले ५४ हजार ४०२ मत प्राप्त गरी दशौँ स्थानमा परेका छन्।
काभ्रेपलाञ्चोक–२ बाट बदन कुमार भण्डारीले ५३ हजार ३४४ मत ल्याएर एघारौँ स्थान हासिल गरे।
नवलपुर–१ बाट राजन गौतमले ५० हजार ९४५ मत प्राप्त गरी बाह्रौँ स्थानमा निर्वाचित भएका छन्।
यी परिणामले स्पष्ट देखाउँछ कि राष्ट्रिय स्वतन्त्र पार्टीका उम्मेदवारहरूले अधिकांश क्षेत्रहरूमा मतदाताको ठूलो समर्थन पाएर विजयी भएका छन्।
प्रकाशित मिति: २६ फाल्गुन २०८२, मंगलबार
प्रतिक्रिया