काठमाडौं । सभामुख डोलप्रसाद अर्यालले प्रतिनिधि सभामा प्रतिनिधित्व गर्ने सबै राजनीतिक दलहरूको बैठक बोलाएका छन्। संघीय संसद् सचिवालयका महासचिव पद्मप्रसाद पाण्डेका अनुसार उक्त बैठक सोमबार बिहान ११ बजे सिंहदरबारमा बस्ने तय गरिएको छ।
महासचिव पाण्डेले जानकारी दिएअनुसार बैठकमा मुख्यतः तीन महत्वपूर्ण विषयमा छलफल गरिनेछ। यस अन्तर्गत सोमबार दिउँसो १ बजे बस्ने प्रतिनिधि सभा बैठकको सम्भावित कार्यसूचीमाथि विमर्श हुनेछ।
यससँगै कार्यव्यवस्था परामर्श समिति गठन र प्रतिनिधि सभा नियमावली संशोधनका लागि समिति निर्माण गर्ने विषयमा पनि सर्वदलीय सहमति खोजिने बताइएको छ।
प्रकाशित मिति: २३ चैत्र २०८२, सोमबार
प्रतिक्रिया