काठमाडौं। सरकारले वरिष्ठ चिकित्सक तथा चिकित्सा शिक्षाविद् जगदीशप्रसाद अग्रवाललाई प्रधानमन्त्री बालेन्द्र शाहका अवैतनिक स्वास्थ्य सल्लाहकार मा नियुक्त गरेको छ।
मंगलबार बसेको मन्त्रिपरिषद् बैठकले उक्त निर्णय गरेको हो।
जगदीशप्रसाद अग्रवाल त्रिभुवन विश्वविद्यालय अन्तर्गतको चिकित्सा शास्त्र अध्ययन संस्थानका पूर्वडीनसमेत हुन्।
उनले मुलुकको स्वास्थ्य नीति, सार्वजनिक स्वास्थ्य व्यवस्थापन तथा चिकित्सा शिक्षासम्बन्धी सुधारका विषयमा प्रधानमन्त्रीलाई परामर्श दिनेछन्।
प्रधानमन्त्रीका प्रेस तथा अनुसन्धान विज्ञ दीपा दाहालका अनुसार स्वास्थ्य क्षेत्रमा लामो अनुभव र विज्ञता हासिल गरेका अग्रवालको नियुक्तिले सरकारलाई प्राविधिक रूपमा महत्वपूर्ण सहयोग पुग्ने अपेक्षा गरिएको छ। उनले अवैतनिक रूपमा आफ्नो ज्ञान, अनुभव र समय राज्यको सेवामा समर्पित गर्नेछन्।
सार्वजनिक स्वास्थ्य सुधारलाई प्राथमिकतामा राख्दै आएको सन्दर्भमा प्रधानमन्त्री बालेन्द्र शाहको कार्यकालमा यस नियुक्तिलाई अर्थपूर्ण कदमका रूपमा हेरिएको छ।
प्रकाशित मिति: २३ बैशाख २०८३, बुधबार
प्रतिक्रिया