काठमाडौं । राष्ट्रिय स्वतन्त्र पार्टी (रास्वपा) का सांसदहरूका लागि साउन २९ देखि ३१ गतेसम्म ललितपुरको गोदावरीमा हुने भनिएको प्रशिक्षण कार्यक्रम स्थगित भएको छ।
रास्वपा सहमहामन्त्री निशा डाँगीका अनुसार समय अभावका कारण प्रशिक्षण कार्यक्रम स्थगित गरिएको हो। कार्यक्रममा पार्टीको नीति, संसदमा प्रभावकारी भूमिका लगायतका विषयमा सांसदहरूलाई प्रशिक्षण दिने तयारी थियो।
यसअघि रास्वपाले सांसदहरूका लागि दुई पटक प्रशिक्षण कार्यक्रम आयोजना गरिसकेको छ। २०८२ चैत ३ र ४ गते ललितपुरको होटल टुलिप तथा वैशाख २६ र २७ गते जावलाखेलमा प्रशिक्षण कार्यक्रम गरिएको थियो।
प्रकाशित मिति: २७ श्रावण २०८३, बुधबार
प्रतिक्रिया